http://pnrbplfoodie.blogspot.com/
May ilang taon na rin nang ako'y unang sumakay sa isang pampublikong PNR train. Di ko nga akalaing papasa ako sa PUP e. At dahil dito lang ako nagtest, wala na akong magagawa kundi ipasa, pero awa ng Diyos, nakapasa naman.
Tatlong taon na pala akong nag-aaral at sumasakay sa PNR.....
Siguro dahil bukod sa mura ay napaka accessible sakin nito dahil may sariling istasyon ang lugar namin sa Bicutan. Sakto nga raw sabi ng nanay ko. Nakapag-aral ka na sa isa sa mga kilalang unibersidad sa Pilipinas sa larangan ng komunikasyon, nakamura ka pa!
Masaya naman ako sa araw-araw na ibinabiyahe ko rito, lalo na kung nakakasabay ko yung magandang babaeng lalaki pumorma. Pero hindi yata maganda ang pasok ng 2014 para sa mga subscribers ng pinakamamahal nating PNR, dahil nagmahal na ng 5 piso ang pasahe dito. WOW limang piso na lang di mo ma- afford? Ate, kaya nga po ako sa PUP nag-aaral e! Ramdam ko ngayon ang dagdag na bayad nito kahit di tumataas ang baon ko pero nasabi ko sa sarili ko, ilang sem na lang ako rito, titiisin ko na lang para sa kanila.
High School pa lang ako ay alam ko ng pagmamay-ari ng gobyerno ang PNR. Pero bakit kailangang magtaas ng pasahe? Maintenance?
Share ko lang po kaninang umaga, huminto ng Paco ang train namin papuntang Sta.Mesa. Naghintay kami ng darating na train pero walang dumating. Kaya nilakad namin ng mga kaibigan ko ang riles mula Paco hanggang riles sa kalahatian ng Sta.Mesa at nakatawid sa pupuntahan sa tulong ng mahiwagang trolley :)
Tapos maintenance ang idadahilan nilang ugat ng pagtaas ng pasahe? Maraming maloloko ngunit hindi ko pa rin tanggap ang pagtataas na ito. Tapos ayun nga, nakita ko ang kagalang-galang na Pangulo ng bansa at nagbibigay ng statement ukol dito, pero papaano mo malalaman kung anong problema kung di mo pa naman nararanasan?
Sabagay, ano bang magagawa natin? Ilang oras man akong sumigaw sa Mendiola ukol dito ay walang mangyayari, maaaring marami ang makakarinig at tutulong sa akin, ngunit ilan lamang? Kailan ba malalaman ng mga Pilipino na sa lahat ng ito na ating ginagawa ay para di sa ating ikabubuti. Napakalaking salik talaga ng Media upang ilayo ang isip ng mga tao at isipin kung anong pick-up line ang gagamitin ni Joaquin kay Chichay o kung anong lulutuin ni Maya para kay Sir Chief.
http://www.pnr.gov.ph/
“Kung maitatayo ang minumungkahi sa ating mga railway system, bababa ang presyo ng bilihin. Mas mura, mas mabilis, mas maginhawa, at makakaiwas pa sa kotong cops, at mga kumukotong na rebelde ang mga bumibiyahe.” – Pres. Noynoy Aquino
Photos :
http://www.pnr.gov.ph/
http://pnrbplfoodie.blogspot.com/
Retrieved January 22, 2014
